«Өрлеу» БАҰО» Ақтөбе филиалы  кафедраның аға оқытушысы, сертификатталған тренер, магистр А.А.Изтлеуованың  ұйымдастыруымен «Жаратылыстану-техникалық пәндерді оқытуда тәжірибелік жұмыстарды ұйымдастыру жолдары» тақырыбында біліктілікті арттыру курсы аясында  №40, № 65 жалпы орта білім беретін мектептерінде тәжірибелік сабақтар өткізілді.

Сабақтар  барысында  №40 ОМ мұғалімдері  Колганатова А.Ж., Мурзагалиева А.Г., Шамшина Ж.Қ., Бурибасова Г.А., Ниязова Л. және  № 65 ОМ мұғалімдері  Қоянбаева А.Ж., Сүтенов Ж.Ж., Мусаева А.Қ. озық үлгілерін көрсетіп, жаратылыстану пәндерін оқытуда зертханалық және  тәжірибелік жұмыстардың жүргізудің тиімді жолдары туралы өз іс-тәжірибелерімен бөлісті. Педагогтер зертханалық, практикалық сабақтарда зерттеу әрекеттерінің түрлі формаларын шебер үйлестіре білді. Курс тыңдаушылары заманауи талаптарға сәйкес жабдықталған жаңа үлгідегі химия, биология, физика кабинеттері мүмкіндіктерімен танысып, лабораториялық құралдарды  демонстрациялауға белсенді қатысты.

«Ақтөбе-Өрлеу»  ынтымақтастық үшін №40, № 65 орта білім мектептердің педагогикалық ұжымдарына алғыс білдіреді.

 

М.Т.Адилханова

PR, SMM- маман, магистр

Joomla Plugins

«Өрлеу» БАҰО»  АҚ Ақтөбе филиалының сертификатталған тренері, магистр М.Т.Адилханова  «Өрлеу» БАҰО»  АҚ  2018-2020 жылдарға арналған қазақ әліпбиін латын графикасына кезең-кезеңмен көшіру жоспарына сәйкес он-лайн режимінде өткізілген «Жаңа әліпби: емле, әдістеме және тәжірибе» тақырыбында республикалық вебинар-кеңесте «Латын графикасына негізделген қазақ әліпбиінің негізгі принциптері» атты баяндамасымен қатысып, қазақ ұлттық әліпбиінің қағидалары туралы келелі ойларын ортаға салды.

Вебинар-кеңес мақсаты - латын графикасына негізделген жаңа әліпбимен жазу жүйесіндегі емле ережелерін меңгеру әдістемесін талдау.

Кеңесте жаңа әліпбиге көшудің өзектілігі, латыннегізді қазақ әліпбиін қолданысқа енгізу әдістемесі, қазақ тілі әліпбиін латын графикасына көшіру жағдайында ақпараттық-коммуникациялық технологияларды қолдану мәселелері талқыланды.

Кеңесте «Өрлеу» БАҰО» АҚ   БҚО,  Атырау, Маңғыстау, СҚО, Қостанай филиалдарының тренерлері де сөз сөйледі.  

Вебинар-кеңесті ұйымдастырушылар - Батыс Қазақстан облысы бойынша ПҚ БАИ ұжымына алғыс білдіреміз!!!

М.Т.Адилханова

PR, SMM- маман, магистр

Joomla Plugins

Ағымдағы жылдың  26  ақпан күні «Өрлеу» БАҰО» АҚ Ақтөбе филиалының кафедра  аға оқытушысы, сертификатталған тренер, магистр А.С.Сугурбаева Ақтөбе қаласының «Халықаралық педагогикалық шығармашылық пен ғылымның дамуын қолдау қоры» Қоғамдық қорының ұйымдастыруымен өткен  «Сөз ұлылығы» атты  IV Республикалық әдеби шығармашылық байқауының әділқазылар алқасында төрелік етті.

Байқаудың мақсаты - жас талантты авторларды қолдау, әдебиетпен шұғылдану мүмкіндігін қамтамасыз ету, балаларды ұлттық мәдениеттің моральдық негіздерін және халықтың рухани байлығын түсінудегі шығармашылық үдерісіне тарту.

Байқау үш бағытта өткізілді: әдеби оқу,авторлық оқу және публицистика. Байқауда шығарманың тақырыптық-идеялық мазмұнына, туындының көркемдік сапасына, автордың сөз саптау мәнеріне, стильдік ерекшелігіне баса назар аударылды.

Байқау қорытындысы бойынша қатысушылар  І,ІІ,ІІІ дәрежелі дипломдармен марапатталды. Жеңімпаздарға   «Жас дарын» атты медаль және куәлігі, ең белсенді білім беру мекемелеріне  Қоғамдық қор президенті атынан Алғыс хат және кубок  табысталды. 

Жеңімпаздар мен жүлдегерлерді  құттықтаймыз!!!

М.Т.Адилханова

PR, SMM- маман, магистр

Joomla Plugins

26 ақпан күні ⠀«Өрлеу» БАҰО» АҚ Ақтөбе филиалы кітапханасында «Кітапханаға кітап сыйла!» акциясының кезекті шарасы өтті.

Акция қайырымдылық іс-шара болып табылады. Акция барысында «Ақтөбе-Өрлеу» Ақтөбе қаласы, №10, № 63 жалпы білім беретін орта мектеп кітапханаларына кітаптар тарту етті. Мектеп кітапханашылары сыйға берген кітаптары үшін алғыстарын айтты. «Кітапханаға кітап сыйла» акциясына белсенділік танытқан оқырмандарымызға, ардагер ұстаздарға, курс тыңдаушыларыңа ізгі рақметімізді айтамыз. Сыйға тартқан әрбір басылым – маңызды, кітапханаға көмек беруге және біздің оқырмандардың сұранысын қанағаттандыруға мүмкіндік береді. Сыйға берілген кітаптар: балалар ертегілері, көркем әдебиеттер. Алдағы уақытта да осындай ізгілікті шаралар жалғасын табатын болады. ⠀

Куканова Ж.М.

PR, SMM - специалист, магистр

Joomla Plugins

Контакты

Адрес: г. Актобе, ул. Тургенева, дом 86

E-mail: akt@orleu-edu.kz

Тел.: +7(7132) 56-05-37

Яндекс.Метрика

Top
Скачать шаблоны Joomla 3.8.